LIGJET E BIZNESIT
Ish-Presidenti Bujar Nishani ka reaguar ‘flakë për flakë’ për konferencën për mediat që po mban kryeministri Edi Rama me rastin e fundvitit. Nishani është ndalur tek deklarata e Ramës për krizën e energjisë eklektike dhe krahasimin që i bëri Shqipërisë me Kosovën. Këtë krahasim të Ramës, Nishani e etiketon si vulgar.
Postimi i plotë:
Edi Rama foli sot për “gogolin” e territ nga energjia duke stigmatizuar situatën në Kosovë.
Për të shitur “zotësinë” dhe “aftësitë” e tij qeverisëse na tha se ; “shihni si është katandisur Kosova për energji” !
Pra Edi Rama është “shpëtimtari” pasi duke u krahasuar me Kosovën që është në krizë energjitike, neve jemi mirë.
Po mirë more manipulator vulgar, simbol i paaftësisë, që e ke kthyer këtë shtet në një tallava të madhe rurale, pse të krahasohemi me Kosovën (vetëm 12 vite shtet) ?
Po pse mos të krahasohemi me Maqedoninë V., pse jo me Malin e Zi, pse jo me Serbinë, pse jo me Kroacinë e pse jo me Greqinë.
Apo dalim “blozë” ?
Nuk po shkoj pak më larg nga rajoni ynë, se ju pushtetarët e zullumit, hajnisë e shkatërrimit, ju duket ekstravagancë që shqiptarët të pretendojnë normalitet evropian.
Po të mos ishte për strategjinë e mënçur dhe shtetare të platformës së investimeve në hidrocentrale madhore dhe private nga qeveria paraardhëse e Partisë Demokratike, me atë shkatërrim e abuzim që i bëre rezervave ujore këtë verë e vjeshtë që shkoi, tani do të kishin plasur gjeneratorët rrugëve të Shqipërisë.
Fiks siç e bëtë Shqipërinë deri në vitin 2005, kur e dorëzuat copë e çikë.
Mashtrimin kur është dhe vulgar, s’ta ha as pengu yt !
