“Unë nuk shqetësohem” A po heton SPAK zyrtarë të Partisë Socialiste? Ja si përgjigjet Rama

Kryeministri Edi Rama ka paralajmëruar funksionarët shtetërorë se cilido që ka llogari të hapura me ligjin dhe ka kryer shkelje, as nuk do të mbrohet nga Partia Socialiste, dhe as nuk do të mund të fshihet nën logon e saj.

Ai inkurajoi prokurorët e SPAK që të mos shohin as majtas as djathtas dhe të bëjnë punën e tyre me këdo qoftë që ka abuzuar me besimin që i është dhënë.

“Askush nuk mund të fshihet pas logos së PS askënd nuk mund ta mbulojmë me flamrin e PS e në asnjë mënyrë zyra e PS nuk mund të bëhet zyrë avokatie për asnjë. Kush i ka krijuar vetes komoditetin të përfitojë personalisht nga planet punët tona, personalisht duhet të përballet me drejtësinë, s’kam asnjë dyshim për këtë”, tha Rama.

“Cilido qoftë në këtë pjesë të kampit ku unë jam në krye ka llogari të hapura për ti trajtur me drejtësinë është shumë e qartë që për aq kohë sa nuk janë mbnyllur me drejtësinë nuk ka punë fare me ne.

Shumë kush e trajton këtë pjesë si dicka për të cilën duhet të shqetësohem, përkundrazi ,është e kundërta komplet, inkurajohem dhe inkurajoj deri në fund prokurorët ta bëjnë punën e tyre pa rezerva”, vijoi Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sipas tij, SPAK “ka dhënë shenja të qarta se nuk është prokurori e politikës as e partive as e të majtës as e të djathtës. Dua ti siguoj për mbështetjen e plotë morale nga ana jonë”.