E paprecedentë, kryetari i KQZ braktis mbledhjen: Nuk dua të gjykoj kompetencat e Presidentit

Pasi ka mbërritur dekreti i Metës në Komisionin Qëndror të Zgjedhjeve, kryetari Klement Zburi tha se nuk do të gjykojë vullnetin e presidentit Ilir Meta.

Në një moment ai ka vendosur të ngrihet nga mbledhja dhe të largohet duke pranuar se kjo nuk është kompetencë e tij ligjore për të intepretuar vendimin e kreut të shtetit.

“Duket si një lloj sfide, nga njëra anë kam zhdekretimi  e zgjedhjeve, por edhe një mbledhje me dy kolegë. Unë mendoj se KQZ, duhet t’i bindet një produkti të tillë, një dekreti. Nuk dua të gjykoj kompetencat e presidentit. Dekreti i presidentit është detyrues dhe duhet ta respektojmë vullnetin e tij.  Respektimi i ligjeve dhe hierarkisë duhet të prevalojë. Refuzojë t’i futem kompetencave dhe arsyes së Presidentit. Për mua është një lloj sfide. Në këtë kuptim personalisht nuk e gjej me vend, që mundem të drejtoj këtë mbledhje, ku ka shumë debate të forta. Unë jam i detyruar të çohem.”, tha Klement Zguri.