LIGJET E BIZNESIT
Policia e Elbasanit vijon intensivisht veprimet e thelluara hetimore, për zbardhjen sa më shpejt të vrasjes së 32-vjeçarit Albi Bashaliu, mëngjesin e 27 dhjetorit.
Policia bën me dije se ka arrestuar 2 shtetas, të dyshuar si përkrahës të autorëve të krimit.
Strukturat hetimore të Drejtorisë Vendore të Policisë Elbasan, në bashkëpunim me ato të Komisariatit të Policisë Peqin, nën drejtimin e Prokurorisë së Rrethit Gjyqësor Elbasan, kanë vijuar intensivisht punën hetimore, me qëlim zbardhjen e vrasjes së 32-vjeçarit me iniciale A. B.
U bë i mundur arrestimi i shtetasve:
Veiz Bashaliu 41 vjeç, djali i xhaxhait të viktimës dhe fqinji i tij Mikel Xhaja, 30 vjeç, të dy banues në fshatin Gjoçaj, Peqin.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Është dokumentuar se këta shtetas kanë kryer veprime aktive për të fshehur rrethanat e ngjarjes dhe kanë penguar aktivisht organet e Policisë, për t’u informuar për ngjarjen, rrethanat si ka ndodhur dhe motivin.
Po ashtu, në kuadër të kryerjes së veprimeve procedurale dhe thellimit të hetimeve për këtë ngjarje të rëndë kriminale, në ndjekje e sipër të autorëve të dyshuar të veprës penale, më datë 28.12.2021, rreth orës 01:00, në aksin rrugor Gosë-Vibashtovë, Rrogozhinë, është gjetur automjeti tip “Volksëagen Caddy”, që ka qenë në përdorim nga viktima, shtetasi Albi Bashaliu.
Nga rrethanat e hetimit ka dyshime se autorët kanë marrë mjetin e viktimës për t’u larguar, ndërsa mjetin me të cilin ata udhëtonin e kanë djegur në vendngjarje.
Në vendin e ngjarjes janë gjetur sende të ndryshme, të cilat u sekuestruan në cilësinë e provave materiale dhe që u dërguan për ekzaminime të mëtejshme në Institutin e Policisë Shkencore.
Nga strukturat hetimore të Drejtorisë Vendore Elbasan, nën drejtimin e Prokurorisë së Rrethit Gjyqësor Elbasan, po punohet për identifikimin dhe kapjen e autorëve.
Materialet u referuan në Prokurori, për veprime të mëtejshme.
