Dy persona të armatosur shkojnë të vjedhin dyqanin, qëllojnë për vd ekje pronarin

Një ngjarje e rëndë është regjistruar në Mitrovicë, ku hajdutët të cilët kishin shkuar për të grabitur një market, kanë vrarë pronarin.

Mësohet se ngjarja ka ndodhur në rrugën “Mbretëresha Teutë”. Dy persona të maskuar dhe të armatosur kanë hyrë në market. Si duket pronari ka rezistuar dhe autorët e kanë qëlluar atë me armë.

Pronari është dërguar menjëherë në spital, ku në pas ka ndërruar jetë si pasojë e plagëve të marra. Lajmin e trishtë e ka konfirmuar zëdhënësja e Spitalit të Mitrovicës, Nita Mustafa-Hakaj.

“Mund të konfirmoj se një person i plagosur, që kishte ardhur për trajtim, ka ndërruar jetë. Meqë tash ka ndodhur e gjithë ngjarja, nuk mund të deklaroj informacione tjera”, ka deklaruar Mustafa-Hakaj.

Lidhur me ngjarjen janë arrestuar dy persona teksa është sekuestruar edhe arma me të cilën ka ndodhur ngjarja e rëndë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Nga hetimet fillestare bëhet e ditur se dy persona të dyshuar e të maskuar nën kërcënimin e armës kanë tentuar të grabitin viktimën i cili ndodhej në dyqanin e tij, si pasojë e të shtënave nga të dyshuarit në drejtim të viktimes, viktima ka mbetur i plagosur. Lidhur me rastin janë ndërmarrë veprime të shpejta policore, janë identifikuar dhe arrestuar dy persona të dyshuar si dhe është sekuestruar një armë”, njofton policia.