Ambasadori i OSBE në Tiranë, Bernard Borchardt ka komentuar vendimin e presidentit Meta për të anuluar zgjedhjet vendore të 30 qershorit.
I pranishëm në një takim në Liceun Artistik ku ka shpërndarë disa çmime për të rinjtë që merrnin pjesë në një ekspozitë pikturash, ambasadori Borchardt i është përgjigjur interesimit të gazetarëve në lidhje me çështjen më të diskutuar politike në Shqipëri.
Ambasadori tha se zhvillimi ose jo i zgjedhjeve është çështje e brendshme e Shqipërisë, e njësoj për të edhe shkarkimi i presidentit Ilir Meta.
“Përfaqësuesi ynë e bëri shumë të qartë javën e shkuar për këtë. Ai tha se zhvillimi i zgjedhjeve është çështje e brendshme e Shqipërisë. Dhuna është përgjegjësi e atyre që organizojnë protestat. Ata kanë përgjegjësi për dhunën. Kjo është çështje e brendshme për të vendosur dhe më pas Gjykatën Kushtetuese. Institucionet të zbatojnë argumentin më të mirë. Siç e thashë, institucionet shqiptare do e marrin këtë vendim.”-tha Borchardt.
