“Ëashington Post” ka intervistuar disa afganë të cilët janë vendosur në shumë vende të botës, pais talebanët morën pushtetin në Afganistan.
Midis këtyre intervistave është edhe një familje afgane e strehuar në Shqipëri, konkretisht në Lezhë. Bëhet fjalë për 34-vjeçarin Miraq Popal, dhe për familjen e tij, të cilët sikurse shprehen për “Ëashington Post”, zgjohen çdo ditë në Shqipëri me sytë nga deti.
“Unë jam me fat”, thotë Popal, “të paktën kam mundur të largohem dhe shpresoj të filloj një jetë të re”.
Popal ka aplikuar për një vizë në Kanada dhe po pret një përgjigje. Deri më tani ai nuk ka dëgjuar që asnjë afgan të jetë larguar nga Shqipëria.
Popal është tepër i emocionuar për shkak të kujdesit që po merr bashkë me familjen e tij, por i mungon shtëpia me 7 dhoma në Kabul, me një oborr mjaft të madh, ku bashkë me të afërmit e tij mblidheshin për të organizuar festa.
Në Shqipëri, ai dhe familjarët e tij, është i vendosur në dy dhoma, ku duhet të vendosen për të fjetur ai, gruaja dhe tre fëmijët e tyre. Njërën prej tyre kanë vendosur ta shndërrojnë në kuzhinë, ku siç shprehet ai, gatuajnë darka të thjeshta me domate, qepë dhe patëllxhanë.
“Kjo është jeta, duhet të pajtohesh me të”, thotë Miraqa Popal.
Popal dikur ka udhëtuar kudo nëpër botë për shkak se mbulonte TOLONEWS, kanali më i madh i lajmeve në Afganistan. Pas gati 4 muajsh në Shqipëri ai ka nisur punë për organizatën si redaktor titrash. Ai kërkon të rikthehet në “fushë”, pasi puna nga interneti nuk i jep të njëjtin emocion.
