Rrëshen\ Aksidenti tragjik ku vdiqën babë e bir, arrestohet drejtuesi i mjetit    

Përfundon në pranga drejtuesi i mjetit tip “Benz” që shkaktoi aksidentin në aksin Milot Rrëshen ku për pasojë mbetën të vdekur babë e bir.

Aksidenti fatal ndodhi dje rreth orës 16:30 në aksin Milot-Rrrëshen dhe nga hetimet paraprake dyshohet se shkak është parakalimi i gabuar dhe shpejtësia tej normave të lejuara. Drejtuesi i automjetit “Mercedes-Benz, Arlind Mihaj udhëtonte në drejtim në Milotit dhe në afërsi të një karburanti ka kryer një parakalim të gabuar duke i dalë përpara automjetit “Opel Corsa” në të cilën  udhëtonte familja Prenga. Si pasojë e përplasjes së fortë, Benz-i ka shpërthyer në flakë, teksa drejtuesi i saj, Arlind Mihaj me origjinë nga Tropoja ka marrë plagë të rënda dhe po mjekohet në spitalin e Traumës.

Ditën e sotme, policia ka njoftuar masën e arrestit ndaj Arlind Mihaj i cili akuzohet si shkaktari i aksidentit të rëndë ku vdiqën 33-vjecari Shkurt Prenga dhe djali i tij i mitur, vetëm 3 vjeç. E plagosur mbeti edhe bashkëshortja e tij, 26-vjeçarja Fabiola Prenga ndërsa u transportua në spitalin e Traumës në Tiranë.