LIGJET E BIZNESIT
Pasditen e sotme kryeministri Edi Rama ndodhej në Kavajë.
Aty ai mori pjesë në aktivitetin e dorëzimit të 153 banesave të familjeve të dëmtuara nga tërmeti i 26 nëntorit 2019.
Gjatë fjalës përballë të pranishmëve, kreu i qeverisë iu përgjigj dhe atyre të cilëve e akuzojnë qeverinë e tij se ka abuzuar me fonder e Rindërtimit të dhëna nga donatorët e huaj.
Kryeministri u shpreh se si Bashkimi Evropian, po ashtu dhe Turqia dhe Emiratet e Bashkuara Arabe i zgjedhin vetë kompanitë, i hartojnë vetë projektet dhe i kryejnë vetë pagesat. Sipas tij qeveria Shqiptare nuk ka lidhje me paratë, por vetëm mbikëqyr projektet.
“Askush më pas nuk mund të vijë më pas dhe t’ju thotë që për këto shtëpi që ka paguar shteti, ju dihet të paguani diçka. Këto shtëpi janë tuajat, nëse doni t’i shisni, nëse doni t’i jepni me qera. Si të gjithë pronarë të ligjshëm në Republikën e Shqipërisë
Tjetra që është e rëndësishme të thuhet është se këto nuk janë lekët e botës siç përsëritet e përsëritet.
Në të gjithë programin e Rindërtimit kontributin e ka qeveria e Shqipërisë. Ne jemi shumë krenar për këtë që arritëm, me gjithë vështirësitë dhe me gjithë pandeminë që hyri në mes të mos lëmë mangët asgjë në procesin e Rindërtimit. Ndërkohë që partnerët tani kanë kontribuar dhe kontribuojnë për një pjesë të shkollave, Bashkimi Evropian, për lagjen e re në Laç, Republika e Turqisë, për lagjen e re në Spille që është kontributi i Princit të Kurorës të Emirateve të Bashkuara, gjithçka tjetër është kontribut i taksapaguesve shqiptarë. Shtoj këtu për të qenë të qartë, për sa i përket lekëve të botës, se janë ata që akuzojnë “ku i çuat, i morët, me këto do kishit ndërtuar Shqipërinë dy herë”, ta dinë se bota nuk na i jep lekët ne po i bën vetë projektet, i cakton vetë kompanitë dhe i paguan vetë”, tha Rama.
