E rëndë në Serbi/ Katër të rinj shqiptarë humbin jetën në një aksident automobilistik (FOTO)

Një aksident i rëndë automobilistik ka ndodhur dje në mbrëmje në afërsi të Tregut të Mallrave në Novi Pazar të Serbisë.

Për  pasojë kanë humbur jetën 4 shqiptarë.

Mediat vendase raportojnë se dy automjete u përplasën “kokë më kokë” në autostradë.

Si pasojë e aksidentit kanë gjetur vdekjen e menjëhershme 4 persona, ndërsa dy të tjerët janë transportuar në spitalin e Novi Pazarit.

Mësohet se në aksident janë përfshirë tre makina. Viktimat janë me inicialet A.I. (21 vjeç), M.H. (23 vjeç), S.D. (22 vjeç) dhe A.U (21 vjeç).

Po ashtu raportohet se në Novi Pazar dita e sotme është shpallur ditë zie.