Nga operator ‘junior’ në ‘senior’/ Ja si funksiononte skema e mashtrimit në ‘Call Center’

Skema e mashtrimit që aplikohej nga ‘Call Center’ i ngritur nga izraeliti Refael Genish është zbardhur nga Prokuroria e Tiranës.

Për të Gjykata e kryeqytetit caktoi masën e sigurisë “arrest me burg”.

Sipas skemës, të ashtuquajturit si ‘Junior’ në hierarkinë e punonjësve të Call Center-it, ishin personat që merrnin kontaktin e parë me shtetasit e huaj, të cilët më tej mashtroheshin nga ata që quheshin ‘Senior’.

Këta të fundit bënin komunikimin e detajuar, duke u premtuar se nëse investonin, fitimet e tyre do të rriteshin.

Në formën e grackës në fillim të investimeve që nisnin me vlera monetare prej 500 euro, shtetasit e huaj fitonin shuma të mëdha, deri në momentin që investimi i tyre arrinte shifra të larta.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pikërisht në këtë moment ndërpritej çdo komunikim.

Gjykata vendosi sot të lërë në ‘Arrest shtëpie’ 15 punonjës dhe për 19 u caktua masa e ‘Detyrimit për tu paraqitur’.

Prokuroria thotë se janë mbi 2 milionë shtetas të huaj që janë kontaktuar nga ky Call Center ndër vite dhe mijëra kanë rënë pre e mashtrimit.