Kush e thirri kur po pinte kafen? Baba i dy fëmijëve, zbardhen momentet e fundit të 35-vjeçarit para se të ekzekutohej

Albi Bashaliu mbeti viktimë e një atentati mëngjesin e sotëm në fshatin Gjocaj të Peqinit.

Burime nga grupi hetimor bëjnë të ditur se 35-vjeçari ishte ne lokal, dikush e thirri në emër nga jashtë, doli dhe më pas autorët e kanë qëlluar menjëherë.

Ngjarja ndodhi rreth orës 08:40, ndërsa trupi i tij u gjet i pajetë në mes të rrugës. Pas kryerjes së krimit, autorët i kanë vënë flakën automjetit me të cilin lëviznin, vetëm pak metra larg.

Bashaliu, është një emër i njohur për policinë. Ai në vitin 2017, u arrestuar për një atentat të dështuar ndaj dy personave. 35-vjeçari akuzohet se qëlloi me breshëri arme ndaj dy personave që udhëtonin me makinë. Në atë kohë dy personat shpëtuan pa lëndime ndërsa Albi Bashaliu u arrestua.

Një ndër pistat që po hetohet është ajo e hakmarrjes që lidhet me të shkuarën e viktimës dhe vëllait të tij.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Bashaliu ishte baba i dy fëmijëve dhe shpeshherë i postonte në rrjetet sociale.