“Erdha si turist”, arrestohet në “shtëpi bari” shqiptari: Duhet të paguaja borxhin

Një 45-vjeçar shqiptar ka rënë në prangat e policisë Britanike, pasi është kapur në një “shtëpi bari”.

Mediat e huaja bëjnë me dije se në pranga ka rënë shtetasi Flamur Shera, i cili është kapur brenda një banese ku ishin mbjellë disa rrënjë kanabisi.

Ata ranë në gjurmë pasi shtëpia në fjalë, që ishte kthyer në fermë kishte një faturë të lartë për energjinë elektrike.

Brenda pronës së Sherës, policia zbuloi se papafingo ishte plot me bimë kanabisi dhe ishte e pajisur me ventilatorë, transformatorë dhe një sistem vaditjeje. Në këto ambiente kishte 257 bimë kanabisi.

Kur u mor në pyetje, shqiptari tha se kishte ardhur në Britaninë e Madhe si turist në korrik dhe se një burrë rumun i kishte dhënë atij një kredi prej 1000 £ si paradhënie për pagat që do të merrte kur të fillonte një punë në ndërtim.

Por që nuk kishte filluar punë dhe romuni i kishte këkruar që të kujdesej për bimët narkotike dhe kështu do shlynte dhe borxhin.

Shera u dënua nga autoritetet britanike me 12 muaj heqje lirie.