LIGJET E BIZNESIT
Një aksident me pasoja tragjike ka ndodhur mbrëmjen e së dielës në Kosovë. Një autoveturë është përplasur me një kampion, duke lënë edhe viktima. Policia e Kosovës njofton se viktimat janë një fëmijë dhe një person në moshë madhore, të cilët kanë ndërruar jetë në vendngjarje, për shkak të përplasjes së fuqishme mes mjeteve, ku siç shihet në foto makina është shkatërruar totalisht dhe ndodhet poshtë kamionit.
“Në këtë aksident ishin të përfshira një veturë dhe një kamion, ku si pasojë fillimisht dy (2) persona kanë pësuar lëndime trupore. Të lënduarit me auto-ambulancë janë dërguar në emergjencën e Spitalit Rajonal në Pejë, nga mjeku kujdestar është konfirmuar se dy (2) personat e lënduar – një (1) fëmijë dhe një (1) person i moshës madhore kanë arritur në spital pa shenja jete”, thuhet në njoftimin e policisë.
Policia ka shtuar se thirrjes nga vendi i ngjarjes i janë përgjigjur gjitha njësitet kompetente të Drejtorisë Rajonale të Policisë në Pejë, gjithashtu edhe prokurori i shtetit.
“Me urdhër të Prokurorit shtetit trupat e pa jetë të viktimave dërgohen në Institutin e Mjekësisë Ligjore në Prishtinë, për Obduksion”, thuhet në fund të njoftimit të Drejtorisë Rajonale të Policisë në Pejë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
