Gratë japoneze janë të njohura për lëkurën e tyre “prej porcelani”. Dhe megjithëse Japonia është vendi më inovator në botë, ato ende përdorin trajtime shekullore për t’u dukur vite më të reja se mosha e tyre. Një trajtim i tillë është edhe ai i ujit të orizit. Zbuloni më poshtë se si një përbërës kaq i thjeshtë mund t’i japë përfitime lëkurës:
1. Ndihmon në parandalimin e plakjes së parakohshme të lëkurës
Përdorimi i ujit të orizit për fytyrën mund t’ju ndihmojë t’i mbani rrudhat larg. Uji i fermentuar i orizit rrit prodhimin e kolagjenit në lëkurën tuaj dhe e ndihmon atë të qëndrojë e shëndetshme dhe rinore për më gjatë. Ai është gjithashtu i pasur me antioksidantë, gjë që e bën atë një armë të fuqishme dhe natyrale kundër rrudhave të hershme.
2. Vepron si një mbrojtës natyral i diellit
Uji i orizit ka një efekt ftohës natyral, dhe aplikimi i tij në lëkurë mund të ndihmojë në zbutjen e djegieve nga dielli dhe lehtësimin e acarimit.
3. Ndihmon në riparimin e lëkurës së dëmtuar
Përveç aftësisë për të zvogëluar rrudhat, uji i orizit përmirëson dëmtime të lëkurës dhe madje mund të përdoret për të trajtuar sëmundje të caktuara, të tilla si dermatiti atopik.
4. Zvogëlon pigmentimin e lëkurës
Edhe pse hiperpigmentimi është zakonisht i padëmshëm, kjo gjendje e zakonshme e lëkurës mund të jetë mjaft e bezdisshme për disa njerëz. Nëse nuk trajtohen, njollat e errëta mund të çojnë në një ton të pabarabartë të lëkurës. Uji i orizit është treguar se rrit prodhimin e melaninës dhe mund të zvogëlojë në mënyrë efektive hiperpigmentimin.
5. Ndihmon në kontrollin e yndyrës në lëkurë
Vajrat natyralë janë thelbësorë për shëndetin e lëkurës suaj sepse ato hidratojnë dhe veprojnë si një barrierë mbrojtëse kundër faktorëve të jashtëm. Por të kesh një fytyrë shumë të yndyrshme dhe me shkëlqim, mund të jetë e bezdisshme për shumë njerëz. Përdorimi i ujit të orizit mund të ndihmojë për ta balancuar këtë.
– Si të bëni ujë me oriz të fermentuar
– Shpëlajeni orizin dhe shtoni 2-3 gota ujë.
– Lëreni të qëndrojë në temperaturën e dhomës deri në 48 orë.
– Përzieni orizin dhe kullojeni ujin.
– Ujin e orizit mund ta ruani në një enë të mbyllur deri në 7 ditë dhe ta përdorni si për lëkurën dhe flokët.
