LIGJET E BIZNESIT
Presidenti serb Vuçiç ka treguar pushtetin e tij para kamerave në Serbi duke poshtëruar Drejtorin e Elektroekonomisë së Serbisë, Milorad Grçiç, duke e pyetur me tone kërcënuese “përse nuk më ke njoftuar se ka pasur zjarr të vogël në B1 (bllok i termoelektranës)”.
Kur shefi i EPS-së i është përgjigjur se nuk ka dashur aspak ta ngarkojë me gjëra dhe se puna e zjarrit është zgjidhur shpejt, Vuçiç pasi ka dëgjuar përgjigjen, ka vazhduar poshtërimin e drejtorit duke i thënë se është dashur ta njoftojë ai për këtë problem, e jo BIA (shërbimi sekret serb).
Më vonë, Vuçiç i ka kërkuar atij që të stabilizojë gjendjen me rrymë duke i thënë që ta bëjë këtë deri para Vitit të Ri.
Menjëherë më pas i tha se ishte i pushuar: “Stabilizo gjendjen, pastaj gjej një punë tjetër”.
