Jep dorëheqjen Ervin Muça, drejtori i Sistemit Informatik në Drejtorinë e Tatimeve.
Vendimi vjen pas skandalit të publikimit tëp agave të qindra mijëra qytetarëve shqiptarë.
Burime nga Tatimet thanë se drejtori i Sistemit Informatik është vënë në dispozicion të hetimeve që ka nisur Prokuroria e Tiranës.
Ndërkohë që sot skandali është thelluar pas publikimit të një tjetër databaze, me targat e makinave të shqiptarëve.
Prokuroria nisi verifikimet me iniciativë, por edhe nisur nga ankesat e disa qytetarëve, ndërsa dje u regjistrua procedimi për 3 vepra penale.
Mësohet se janë dërguar 3 oficerë të grupit hetimor në institucionet e AKSHI-t, ISSH-së dhe në Drejtorinë e Tatimeve.
Prokuroria po kryen hetime për veprat penale “Shpërdorim detyre”, “Ndërhyrje në sistemet kompjuterike” dhe “Ndërhyrje në të dhënat kompjuterike”.
Burimet thanë se, nga të dhënat e deritanishme, dyshohet të jenë kryer rreth 640 mijë veprime për afro 3 muaj, përmes dokumentit të listës së pagave.
