“Ke ardhur vetëm me një mision në PD” Edith Harxhi ia thotë hapur Bashës

Anëtarja e Komisionit të Përkohshëm të Rithemelimit të PD Edith Harxhi, ka deklaruar se në selinë blu është përballur dhe me njerëz të armatosur.

Duke komentuar aksionin e ish-kryeministrit Sali Berisha, ajo tha se përballë tij kreu aktual i PD Lulzim Basha është i frikësuar.

“Ne nuk kemi kontrollin e PD-së, ne jemi PD-ja. Jemi PD-ja bio. Po në selinë e partisë ka njerëz të armatosur, brenda saj. Unë që kam shkuar tre apo katër herë më kanë dalë para ata njerëz që janë të dyshimtë.

Ata janë njerëz të afërt të Lulzim Bashës, që mendoj që paguhen nga ai për të qenë aty dhe për ta mbrojtur atë dhe karrigen e tij. Kjo është vetëm çështje karrigeje jo jete.
Basha për mendimin tim ka ardhur me një mision, që është shkatërrimi i PD-së”, tha Harxhi.