“Tjetër punë e mirë” Keni një makinë në shtëpi? Blendi Gonxhe jep informacionin me rëndësi për kolaudimin

Kreu i DPSHTRR Blendi Gonxhe ka njoftuar se do të ndryshojnë procedurat për rezervimin e orarit për kolaudimin e automjeteve.

Ai bën me dije se tashmë orari mund të rezervohet direkt online te seksioni “Makina ime” në e-Albania. Gonxhe shprehet se ky sistem do të eliminojë spekulimet dhe sekserët që sipas tij dikur abuzonin me radhën kur shërbimi kryhej nga koncesionari.

“Tjetër PUNË E MIRË! Rezervimi i orarit të Kolaudimit të mjetit rrugor kryhet direkt online , për të gjitha Qendrat e Kontrollit Teknik pranë drejtorive rajonale të DPSHTRR!

Risia është se ky sistem i ri rezervimi ofrohet me autentifikim në llogarinë e secilit tek seksioni “Makina ime” në e-Albania, duke eliminuar spekullimet dhe sekserët që abuzonin me radhën kur shërbimi kryhej nga koncesionari!

Mirëadministrojmë linjat, personelin, kohën e çmuar për të gjithë , normalizojmë rrjedhën e shërbimit duke shmangur flukset artificiale “nisem pa plan, kur më teket, vonohem radhëve”!  Njihuni me kujdes me informacionin dhe përshkrimin e aplikimit”, shkruan Blendi Goxhe.