“Kanë votuar drejtorë të Ramës dhe të LSI” Bardhi hedh akuza të forta për referendumin kundër Bashës

Në të gjitha degët e Partisë Demokratike, në referendumin e mbajtur më 18 dhjetor, 43.385 anëtarë kanë votuar pro shkarkimit të Lulzim Bashës.

Por, sipas sekretarit të Përgjithshëm të kësaj force politike Gazment Bardhi, këta që kanë votuar për shkarkimin e Bashës, nuk janë demokratë.

Në një deklaratë për mediat, ku tentoi të justifikojë mashtrimin me të ashtuquajturin Kuvendi i18 Dhjetorit, Bardhi tha se për shkarkimin e Bashës kanë votuar njerëz të LSI dhe drejtorë të Ramës.

“Për të ashtuquajturin referendum nuk ka asnjë të dhënë kush ka votuar dhe si ka votuar. Mund t’ju them se ka votuar një kryetar i LSI në Qarkun e Fierit. Në 92-shin ka qënë anëtar, ne këtë kohë ka ndërruar disa parti, por ka shkuar të votojë me kartën e 92-shit, megjithëse është kryetar i LSI për Divjaken. Partia ka rregulla të qarta në statut kush quhet anëtar.

Kanë votuar edhe drejtore të emëruar nga Edi Rama, që kanë hequr demokratë nga puna. Ne 18 dhjetor ka patur vetëm 1 aktivitet politik të PD, Kuvendi Kombëtar. Të tjerat janë aktivitete private, që bëjnë listat e tyre, sipas dëshires së tyre.”-tha Bardhi.