Po punonte deri vonë/ Bie nga lartësia 40 vjeçari në Tiranë, dërgohet urgjent në spital

Një ngjarje e rëndë ka ndodhur orët e para të mbrëmjes së sotme në Tiranë.

Sipas informacioneve, një 40 vjeçar me inicialet H.M ka rënë nga lartësia e ndërtesës ku po punonte te stadiumi “Air Albania”.

Për pasojë, ai është dërguar menjëherë në spital.

Fatmirësisht gjendja e të plagosurit paraqitet e stabilizuar, jashtë rrezikut për jetën dhe momentalisht është nën kujdesin e mjekëve.

NJOFTIMI ZYRTAR I POLICISE

Tiranë/Informacion paraprak

Me datë 18.12.2021, rreth orës 17:50, te stadiumi “Air Albania”, dyshohet se aksidentalisht ka rënë nga një lartësi e vogël, shtetasi H. M., 40 vjeç, i cili ishte duke punuar.

Si pasojë ky shtetas është dëmtuar dhe ndodhet në spital nën kujdesin e mjekëve, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të ngjarjes.