Përse duhet të hani çdo ditë të njëjtin mëngjes?

Mëngjesi është padyshim vakti më i rëndësishëm i ditës, madje ai luan rolin kryesor në rënien në peshë.

Studime të shumta tregojnë se personat të cilët hanë mëngjes kanë një metabolizëm  shumë më të shëndetshëm. Por çfarë duhet ngrënë dhe si ndikon ngrënia e të njëjtit ushqim çdo mëngjes?

Një ide  tepër e mire është të hash të njëjtin mëngjes çdo ditë, kryesisht kur përfshini shumë nga vlerat ushqimore, ndërtoni një rutinë ideale për organizmin.

Mëngjesi duhet të ketë kos, të paktën një frut dhe perime si dhe arrorë e drithëra.

Pra në qoftë se hani kos me tërshërë dhe fruta të stinës, vezë të përgatitura omëletë apo dhe të ziera, si dhe bukë të thekur me mjaltë, kombinime të tilla janë të gjitha të shëndetshme.

Shumë njerëz konsumojnë më shumë karbohidrate, duke thënë se i japin më shumë energji gjatë ditës. Kështu, ata konsumojnë shumë bukë dhe brumëra dhe harrojnë kategorikisht ushqimet e tjera.

Por, sipas të dhënave, proteinat janë ato që duhet të konsumoni gjithmonë më shumë në mëngjes.