LIGJET E BIZNESIT
Ish-kryeminsitri Berisha ka bërë një deklaratë të fortë për kryedemokratin Basha, pasi u shpreh se miq të tij nga Uashingtoni i kanë thënë që Basha do të arrestohet për dosjen “Muzin”.
Ai tha se në fillim i ka kundërshtuar, pasi nuk e dinte se si qëndronte çështja, por shtoi se e kuptoi më vonë që dosja për kryedemokratin kishte ardhur në Shqipëri, por nuk ishte dërguar në Prokurori. Sipas tij, kjo tregon që Basha është marrë peng nga Edi Rama me këtë dosje.
“Unë e kam ndjekur, Muzin nuk ka deklaruar për Lulzim Bashën në fillim, ndërsa më pas ka ndryshuar dëshminë. Më kanë marrë në telefon miq nga Uashingtoni dhe më kanë thënë “Lulzim Basha do prangoset”. Unë u thosha “nuk është e vërtetë”, pasi nuk e dija si ishte puna. Kur mora vesh se dosja erdhi por nuk u dorëzua në prokurori, atëherë e konsideroj atë të marrë peng”, tha Berisha për Opinion.
Dosja “Muzin” ka të bëjë me pagesat e bëra nga PD për lobim në SHBA, ku thuhet se është e përfshirë edhe një kompani ruse, mirëpo nuk dihet se cili ka qenë burimi financiar që ka bërë derdhjet e më shumë se 700 mijë dollarëve në llogarinë e rusëve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
