“Kallëzimi është politik” Flet avokati i Lefter Kokës: Ish-ministri nuk ka asnjë përgjegjësi

Në një prononcim për mediat, avokati i Lefter Kokës komentoi vendimin e Gjykatës së Posaçme e cila caktoi masën e sigurisë “arrest me burg” për ish-ministrin e Mjedisit.

Ai e cilësoi si jonormal këtë veprim pasi sipas tij Koka nuk është pyetur asnjëherë.

Teksa u shpreh se kallëzimi i bërë ndaj Kokës është politik, avokati theksoi se nuk është normale që Koka të jetë i arrestuar kur nuk përbën rrezik.

‘Nuk ka përgjegjësi penale Lefter Kokën. Nuk është normale të jetë person nën hetim kur nuk është pyetur asnjëherë. Fillimi i hetimit ka qenë politik. Sot LSI ka dorëzuar një shtojcë kallëzimit, është  politike.

Nuk është normale që një person të hetohet kur nuk është pyetur asnjëherë.  Nuk është normale që një ish-ministër të jetë i ndaluar kur nuk përbën rrezik. Kallëzimi i bërë është politik”, tha avokati.