Arrestohet nga policia e Durrësit një 32-vjeçar.
I riu i identifikuar si Tefik Shehu ka rënë në pranga për shkak të ngjarjes së ndodhur në një dhomë hoteli në autostradën Tiranë-Durrës, ku mbeti i plagosur 20-vjeçari Arni Sulejmani.
Uniformat blu bëjnë me dije se ndaj Shehut është caktuar masa e sigurisë “Arrest në burrg”, për veprën penale “Moskallëzim krimi”.
“Specialistët për Hetimin e Krimit në DVP Durrës kanë bërë kapjen dhe ndalimin e shtetasit në kërkim Tefik Shehu., 32 vjeç, banues në Durrës, të cilin Gjykata e Shkallës së Parë Durrës, më datë 10.12.2021, i ka caktuar masën e sigurisë “Arrest në burrg”, për veprën penale “Moskallëzim krimi”, në lidhje me ngjarjen e ndodhur më datë 09.12.2021, në ambientet e dhomës së një hoteli në autostradën Durrës-Tiranë, ku mbeti i plagosur me armë zjarri një 20-vjeçar, Arni Sulejmani”, njofton policia.
Ngjarja u regjistrua në një dhomë në një hotel në autostradën Durrës-Tiranë, ku Sulejmani dhe 32-vjeçari me inicialet T.Sh ishin bashkë me dy persona të tjerë, Markeljan Beqiri 26 vjeç, autori i plagosjes dhe Anxhela Brisku, transgjinore. Ngjarja u regjistrua në një dhomë në një hotel në autostradën Durrës-Tiranë, ku Sulejmani dhe 32-vjeçari me inicialet T.Sh ishin bashkë me dy persona të tjerë, Markeljan Beqiri 26 vjeç, autori i plagosjes dhe Anxhela Brisku, e cila është transgjinore.
