Imami: Basha dha urdhrin për 21 janarin, Berisha ishte në zyrë

“Sali Berisha nuk është përgjegjës për 21 janarin, ai ka qenë në zyrë dhe urdhri është dhënë nga ministri i Brendshëm i asaj kohe, Lulzim Basha”. Kjo deklaratë është bërë nga ish-ministri i Mbrojtjes Arben Nimani në një intervistë për mediat. Sipas tij, 21 janari ka qenë grusht shteti dhe Lulzim Basha, së bashku me Edi Ramën kanë përfituar, pasi Basha u bë kryetar bashkie dhe Rama kryeministër. Se sa një ministër mund të jap një urdhër që nuk e ka miratuar kryeministri, aq më tepër në momente kaq delikate, vetëm Imami mund ta dijë.

“21 janari ka qenë grusht shtetit, se cilët janë aktorët e grushtit të shtetit merret vesh pjesë pjesë.Deklarimi i Bashës është i qartë, kush përfitoi dhe humbi nga 21 janari, përfitoi Basha që u bë kryetar i partisë dhe Rama kryeministër, ishte përfshirë ish-prokurori, kryeministri, dhe kanë ardhur dhe deklarohen, është vetë deklarim për klubin e 21 janarit, ia kam thënë Berishës, këtu një mendje djallzore ka arritur të organizojë këto figura, ndryshe nuk mund të bëjë. Berisha ka qenë në zyrë unë e di, ka qenë me njerëz, ky s’ka qenë aty, urdhrat i jep ministri, ka ardhur Berisha pas 21 janarit në Ministrinë e Mbrojtjes dhe i kam thënë, 1 ushtria nuk del jashtë kazermave dhe nuk i jep asnjë njeri në botë ushtarakëve në kundërshtim me ligjin, por i thashë që askush nuk hyn në kazerma, i gjallë jo, është përgjegjësi e qartë se e kujt është, një grusht shteti, është një plan”, tha Imami.

Këto akuza vijnë në një kohë kur sot demokratët janë të ndarë, në të Bashës dhe të Berishës, dhe Imami mbështet këtë të fundit. Kohët e fundit kjo luftë ka prodhuar akuza të forta për njëri-tjetrin duke mos kursyer askënd dhe asgjë. Se sa të vërteta janë, apo janë thjeshtë një mekanizëm për të sulmuar kundërshtarin, kjo mbetet për t’u parë.shqiptarja