Aktivistja shqiptaro-amerikane Evi Kokalari i ka bërë thirrje kreut të PD Lulzim Basha që të marrë përgjegjësi për dhunën verbale dhe fizike, që ajo pretendon se është ushtruar sot ndaj saj në selinë blu.
Ajo thekson se dy gra u munduan që të intimidonin me sharje vullgare dhe dhunë fizike gratë e tjera në ndërtesën e PD-së. Ajo i drejtohet kryedemokratit duke thënë se herës tjetër do të marrë përgjigjen e merituar dhe agresive.
REAGIMI I PLOTE
Lulzim Basha duhet të marrë përgjegjësi për dhunën verbale, psikologjike dhe fizike të ushtruar ndaj meje dhe disa grave të tjera në ndërtesën e PDsë sot.
Dy gra, që ishin komplet jashtë kontrollit, u munduan të na intimidonin me sharje vullgare dhe dhunë fizike, dhe Lulzim Basha që ishte në seli, nuk morri mundimin ta ndaloj për gati një orë që ishim aty, që do të thotë që Lulzim Basha ishte pjesë e këtij vullgariteti.
Basha duhet të kuptoj që unë do vi sa herë kam takim në seli, sepse jam e mandatuar nga 4446 delegatë të Partisë Demokratike.
Nëse herës tjetër që do jem aty, do përballem po me këtë vullgaritet, Lulzim Basha do marri një përgjigje jo vetëm të merituar por dhe shumë agresive, që do mallkoj ditën që humbi llogjikën ndaj meje, dmth shkarkimi nga detyra dhe dosja e Nick Muzin, do të ishin vërtet problemet më të vogla që Luli do ketë ndonjëherë në jetë.
