“Mos më prek mua” Përplasje në selinë e PD, Evi Kokalari zihet me mbështetësen e Bashës (VIDEO)

Një  përplasje fizike ka ndodhur sot në derën e selisë së Partisë Demokratike.

Aktivistja Evi Kokalari bashkë me deputeten Albana Vokshi dhe disa të tjera të LDG po flisnin për mediat.

Por në atë moment një mbështetëse e Lulzim Bashës i ka shkuar nga pas dhe nuk i ka lejuar të flasë.

Më pas kjo grua e ka prekur Evi Kokalarin, e cila është anëtare e Komisionit të Rithemelimit.

Kjo ka bërë që Kokalari t’i kthehet dhe t’i kërkojë që mos ta prekë dhe në një moment gati sa nuk filloi dhe një sherr fizik mes tyre por ndërhyrja e personave prezent e penguan.

Evi Kokalari: Jeta ime është pak më e rëndësishme sesa lajmi që do jepni ju. U diskutuan ato që do bëjmë të shtunën. Gjithë java është në punë. Pavarësisht nga dhuna. Kjo është dhunë verbale. Lulzim Basha duhet të marrë përgjegjësi për atë që ndodhi më parë. Jam votuar me mbi 4000 delegatë për të qenë pjesë e Komisionit të Rithememelimit. Nuk mund të kontrollojë dy gra me probleme. Ky është Lulzim Basha. Si qenka ky provokim.