“Të përballet me drejtësinë” Arrestimi i Lefter Kokës, vjen reagimi i parë nga qeveria Rama

Vjen reagimi i parë nga qeveria një ditë pas arrestimit të Lefter Kokës, ish-ministrit të Mjedisit.

Zv.kryeministri Arben Ahmetaj u pyet pas mbledhjes në lidhje me arrestimin e Kokës dhe nëse mban qeveria përgjegjësi politike, institucionale e morale për faktin se një sërë Ministrish, sipas SPAK, kanë lejuar që kolegu juaj të marrë me një dorë të vetme, rreth 400 milionë dollarë”.

Ahmetaj tha se përballja me drejtësinë është individuale, nuk është as kolektive, as politike.

Ndërsa pyetjes se “Inceneratorit të Elbasanit nesër i përfundon kontrata me qeverinë dhe sipas kontratës duhet t’i dorëzohet Bashkisë së Elbasanit, në kushtet kur ajo është nën sekuestro, ku do të përfundojnë mbetjet e Elbasanit?”, zv.kryeministri Ahmetaj iu përgjigj ka një procedurë të përcaktuar ligjore për gjithë ato që përmendët ju, qoftë dhe për asetin publik, pronë e pushtetit të Elbasanit.