Një nga lajmet që bëri më shumë bujë ditën e djeshme ishte ai i arrestimit të ish-ministrit të Mjedisit Lefter Koka.
Ky i fundit akuzohet për korrupsion dhe abuzime me inceneratorin e Elbasanit.
Ndërkohë gazetari Artan Hoxha ka zbuluar një telefonatë me Nard Kokën, vëllain e ish-ministrit i cili ndodhet tashmë në qeli.
Ai shprehet se ka patur Lefter Koka ka patur dijeni për ngjarjen që do ndodhte dhe pavarësisht kësaj, nuk zgjodhi që të largohej.
“Një nga pronat e sekuestruara është kantina e pijeve “Skënderbeu”. Unë dua të jap vetëm dy gjëra që më ranë në sy, së pari këto lloj arrestimesh kryhen me një skuadër të ngushtë të BKH me njësi të caktuara të policisë kryesisht janë njësi civile që marrin një objektiv dhe e mbajnë në vëzhgim para se të marrin vendimin e gjykatës.
Koka u kap sot në mëngjes në një lokal. Ndërkohë, Klodian Zoto nuk rezulton të ketë dalë nga Shqipëria, pra, ai është në Shqipëri. Edhe fakti që, policia s’e ka gjetur dot, por nga kërkimet e tjera rezulton se ai është në Shqipëri.
Personi i 3-të, Stela, thuhet se është brenda Shqipërisë, por nga informacionet që kam unë, ajo është jashtë.
Nëse u arrestua i pari Koka, pse duhet të dilte kaq shpejt lajmi pa u arrestuar dy të tjerët? A ka ndonjë rrjedhje informacioni që këta dy të tjerët i morën masat?
Nga kontakti me Nard Kokën, një personazh shumë kontravers e kam pyetur në lidhje me arrestimin, atij i kanë thënë kemi këtë urdhër duhet të shkojmë në shtëpi, atje është bërë kontrolli i shtëpisë nja dy orë. E pyeta a keni pasur dijeni? Nardi më tha “na thanë po na ka ardhur një informacion para katër ditësh dhe vëllai zgjodhi këtë, që të mos largohej”, tha Hoxha.
