Grabitet filiali i Postës Shqiptare, hajdutët marrin shumën e majme nga arka

Dy persona ende të paidentifikuar, të maskuar me kapuçët e xhupave që kishin veshur kanë grabitur një shumë parash rreth 200.000 lekë dhe janë larguar me biçikleta.

Ngjarja ndodhi ditën e sotme, rreth orës 09.15 në Filialin e Postës Shqiptare në Babrru. Grupi hetimor ndodhet në vendngjarje dhe po punon për identifikimin dhe kapjen e autorëve.

Njoftimi i policisë:

Tiranë/Informacion paraprak

Më datë 15.12.2021, rreth orës 09:15, në Babrru, dy persona ende të paidentifikuar, të maskuar me kapuçët e xhupave që kishin veshur, kanë hyrë në filialin e Postës Shqiptare, ku kanë marrë një shumë parash rreth 200.000 lekë dhe janë larguar me biçikleta.

Grupi hetimor ndodhet në vendngjarje dhe po punon për identifikimin dhe kapjen e autorëve.

Shërbimet e Policisë po krehin zonën, për të bërë të mundur kapjen e tyre.