LIGJET E BIZNESIT
Aktorja Monika Lubonja i ka bërë një kërkesë presidentit Ilir Meta direkt nga shtëpia e “Big Brother VIP”.
Si fillim, mesazhin e nisi DJ PM, i cili u shpreh se dëshironte të kishte pasaportë shqiptare.
Menjëherë kërkesa u përcoll nga aktorja, që iu drejtua kamerës duke thënë se nëse Kreu i Shtetit do të plotësojë këtë kërkesë të dy DJ-ve nga Kosova, do të ishte dhurata më e madhe që do të bënte për këto festa.
“Dëshira më e madhe që kanë këta, një pasaportë shqiptare. Kjo do jetë dhurata më e madhe për këto festa, zoti Ilir Meta bëjë te mundur këtë për dy djemtë. Mos harroni se këtë dëshirë e kërkojmë nga shtëpia e të gjithë shqiptarëve, Big Brother VIP” thotë Monika Lubonja.
