Po shkonte tek babai i vrarë, aksidentohet me makinë djali i biznesmenit Rakip Roli

Një vrasje me armë zjarri tronditi sot zonën e Shënkollit në Laç, ku u vra në pritë biznesmeni i njohur Rakip Roli.

Bëhet me dije se në tentativë për të shkuar sa më pranë të atit, që ishte ekzekutuar, njëri prej djemve të biznesmenit Rakip Roli është përplasur me makinë.

Mjeti i djalit të viktimës është përplasur me një shtyllë, ndërkohë ende nuk dihet situata e tij shëndetësore.

Roli u qëllua me breshëri plumbash teksa ishte duke lëvizur me mjetin e tij tip audi, në afërsi të biznesit të tij, të mjeteve të rënda të transportit.