Presidenti Ilir Meta do të mbajë sot pasdite një konferencë të jashtëzakonshme.
Zëdhënësi i tij Tedi Blushi ka njoftuar se takimi do të mbahet në orën 17.00, ku do të bëhet publik për opinionin vendas dhe ndërkombëtar qendrimi i Kreut të Shtetit në lidhje me vendimmarrjen e Gjykatës Kushtetuese për çështjen e zgjedhjeve për pushtetin vendor 2019.
“Të dashur kolegë gazetarë,
Në respekt të transparencës dhe për rëndësinë e veçantë, që ka për të gjithë qytetarët, sot në ora 17:00, në Institucionin e Presidentit të Republikës, jeni të ftuar në konferencën për mediat, ku do të bëhet publik për opinionin vendas dhe ndërkombëtar, qëndrimi zyrtar i Presidentit të Republikës Sh.T.Z Ilir Meta lidhur me vendimmarrjen e Gjykatës Kushtetuese për çështjen e zgjedhjeve për pushtetin vendor 2019″, thuhet në mesazh.
