“Berisha po keqpërdor demokratët” Basha flet për Kuvendin e 18 dhjetorit: Do i jepet zë çdokujt që ka një mendim ndryshe

Kryetari i Partisë Demokratike Lulzim Basha deklaroi se Kuvendi i forcës politike që ai përfaqëson do  të mbahet më 18 dhjetor, ndërsa më 11 dhjetor do të mbahet një “Foltore”, ku do të marrin pjesë ata që ishin në takimet e deritanishme.

Basha shtoi se demokratët janë keqpërdorur nga ish-kryeministri Sali Berisha, i cili sipas tij po bën një betejë për interesin personal.

“Ka një keqpërdorim të demokratëve nga z. Berisha, i cili po bën një betejë për interesin personal. Kuvendi i PD më 18 dhjetor do të jetë një forum vendimmarrës i demokratëve, sikundër do i jepet një zë çdokujt që ka një mendim ndryshe”, tha Basha.

Kreu demokrat tha se Kryesia e PD vendosi në respekt të afateve statutore mbajtjen e Kuvendit Kombëtar më 18 dhjetor, duke respektuar afatin 30 ditor.

Basha tha se hallet të shqiptarëve iu mbivendos edhe halli personal i Sali Berishës, pasi shqiptarët kanë të tjera probleme dhe halle.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Vendi ndodhet në një arrest kardiak për shkak të masakrës zgjedhore, ndërsa z.Berisha ka hallin e tij dhe po bën një betejë personale, duke keqpërdorur demokratët”, tha Basha.