LIGJET E BIZNESIT
Një 24-vjeçare kurde nga Iraku verior është viktima e parë e mbytjes në Kanalin anglez që u identifikua nga autoritetet. Maryam Nuri Mohamed Amin ishte një nga 27 personat që humbën jetën gjatë përpjekjes për të kaluar në Britani të mërkurën.
I fejuari i saj, i cili jeton në Britaninë e Madhe, tha se po i dërgonte mesazhe teksa gomonia filloi të shfryhej. Ajo u përpoq ta siguronte atë se do të shpëtoheshin,.
Por ndihma erdhi shumë vonë, dhe ajo dhe 17 burra, gjashtë gra të tjera, njëra prej të cilave ishte shtatzënë dhe tre fëmijë ndërruan jetë pasi varka e tyre u fundos në det në brigjet veriore franceze.
Vetëm dy persona mundën të mbijetonin, një irakian dhe një somalez. Fatkeqësia shënoi humbjen më të madhe të jetëve duke u mbytur në shumë vite, gjatë tentativës për të kaluar në Britani.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
I fejuari i saj tha se Maryam, me nofkën Baran, kishte qenë në varkë me një të afërme. Ai nuk e kishte ditur më parë për tentativën për kalimin dhe tha se mbërritja e Maryam në Britani supozohej të ishte një surprizë.
Ata po i dërgonin mesazhe njëri-tjetrit në Snapchat pak para se gomonie të fillonte të humbiste ajër, tha ai. Maryam i tha se varka po shfryhej dhe se ata po përpiqeshin të nxirrnin ujin prej saj.
Aishtoi se ajo ishte përpjekur ta qetësonte atë në mesazhin e saj të fundit dhe t’i jepte shpresë se autoritetet ishin në rrugën e tyre për t’i shpëtuar.
