Një student francez, vetëm 21 vjeç ka humbur jetën pasi ka rënë nga kulla Santa Bibiana në Romë, nga një lartësi e konsiderueshme prej 20 metrash.
Bëhet me dije se studenti 21-vjeçar së bashku me dy shokë u ngjitën në kullë për të parë pamjen e Romës nga lart, kur ka rrëshqitur dhe ka rënë poshtë.
Policia po heton shkaqet e aksidentit, teksa në pyetje janë marrë 2 shokët e viktimës për të rindërtuar ngjarjen.
Paraprakisht dyshohet se ngjarja ishte aksidentale. Nuk përjashtohet edhe mundësia që djemtë të kishin konsumuar alkool.
I riu ndodhej në Romë për arsye studimi.
