LIGJET E BIZNESIT
Dy të rinj të moshave përkatësisht të moshave 30 dhe 22-vjeç janë arrestuar nga policia në fshatin Komar të Memaliajt pasi janë konfliktuar me njëri tjetrin.
Gjatë përplasjes 30-vjeçari me iniciale R.M. ka dëmtuar me sende të forta makinën e shtetasit me iniciale M. B., 22 vjeç. Nga ana tjetër ky i fundit u konstatua nga shërbimet e policisë se po e ngiste mjetin pa leje drejtimi.
“Shërbimet e Stacionit të Policisë Memaliaj arrestuan në flagrancë shtetasit R. M., 30 vjeç dhe M. B., 22 vjeç, banues në fshatin Komar, Memaliaj. Arrestimi i shtetasve të mësipërm u bë pasi në aksin rural Buz-Komar, Memaliaj këta shtetas janë konfliktuar me njeri-tjetrin, ku shtetasi R. M. ka dëmtuar me sende të forta automjetin e shtetasit M.B.
Gjithashtu shtetasi M. B. u konstatua nga shërbimet e policisë se drejtonte automjetin pa leje drejtimi. Materialet në ngarkim të shtetasve të mësipërm i kaluan Prokurorisë për veprime të mëtejshme”, njofton policia.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
