Kryetari i bashkisë Tiranë, Erion Veliaj po zhvillon një takim elektoral në shkollën “Kosova” në rrugën e Elbasanit. Në fjalën e tij të gjatë, ku nuk i kurseu edhe sulmet, Erion Veliaj ka treguar se ka pasur një komunikim me kandidatin e partisë Bindja Demokratike për bashkinë e Tiranës, Arben Skënderi.
Veliaj tregoi se i ka uruar një fushatë të mbarë Skënderit dhe se për këtë shkak mban një bluzë me numrin dy veshur.
“Kandidoj për një mandat të dytë, jam numri 2 në fletën e votimit dhe në Tiranë janë dy kandidatë. Në Tiranë s’ka vetëm një kandidat. Kam komunikuar me të, Arben Skënderi i partisë “Bindja Demokratike”. I kam uruar një fushatë të mbarë”, tha Veliaj
