Psikologia sulmon ministren Manastirliu: Mjaft i përdorët fëmijët, e keni qelbur fare

Psikologia Denada Toce ka reaguar në lidhje me fotografitë e publikuara së fundmi nga ministrja e Shëndetësisë Ogerta Manastirliu.

Toce vë në dukje përdorimin e imazhit të fëmijëve, duke luajtur me ndjeshmërinë që krijojnë tek publiku, gjatë periudhës së fushatës dhe e quan këtë një shkelje të të drejtave të fëmijëve.

Postimi i plotë:

Nuk durohet më!!!!
Mjaft perdoret fëmijët per reklamimin e “ndjeshmerise” dhe “empatise” farse qe ju karakterizon, sidomos në fushata elektorale. Sapo pash foton e rradhes, kete here nga Ministresha e shendetesise, qe mbulon dhe ceshtjet sociale.

Zonja na kishte dale neper njesite bashkiake. Padiskutim mund te takohet me grupet e interesit, me adulte qe zgjedhin te jene pjese e punes se tyre madje dhe te beje foto me femijet (me lejen e prindit), por ne asnje rast, e theksojë, në asnjë rast nuk mund te publikojë ne media apo rrjete sociale fotot e tyre. E para, keni shkelur te drejtat e fëmijëve.

E dyta, perdorni ne shkelje te plote te etikes per përdorimin e fëmijëve në media dhe e treta, keni shkelur rregullat zgjedhore. Duket se ju eshte regjur lekura duke abuzuar mbi te drejtat e njeriut apo ligjin, por kur vjen puna te fëmijët, e keni qelbur fare. Mjaft me!