“Faleminderit për dashurinë” Prindër të një vajze, Princ Leka dhe Elia Zaharia festojnë 5 vjetorin e martesës

Princ Leka dhe Elia Zaharia festojnë sot 5 vjetorin e martesës.

Çifti tashmë prindër të një vajze, u celebruan në një dasmë përrallore të organizuar në Pallatin e Brigadave.

Këtë ditë të veçantë Elia e ka kujtuar me nostalgji, ku shkruan: “Sot pesë vite më parë. Koha ka fluturuar me ty Princ Leka! Faleminderit për dashurinë dhe përkujdesjet e pakursyera, si në ditën e parë! Faleminderit miq që e bëtë dasmën tonë të paharrueshme, më të bukur se ç’mund ta kishim ëndërruar! Faleminderit Zot që na bekove me vogëlushen tonë, duke na e përmbushur jetën me një dashuri të pakrahasueshme.”

Princ Leka dhe Elia Zaharia mirëpritën në jetë fëmijën e tyre të parë, Princeshën Geraldinë më 22 tetor 2020.

Martesa e nipit të Ahmet Zogut, të parit mbret të shqiptarëve, Leka II, me aktoren Elia Zaharia, është e dyta martesë e tillë që bëhet në Shqipëri, pas të parës dasmë mbretërore të organizuar më 23 prill 1938, ajo e Mbretit Zog me Geraldina De Nagy Appony.