LIGJET E BIZNESIT
Pak para takimit sot në Shkodër, ish-kryeministri Sali Berisha analizoi paktin e arritur dje në Bruksel mes Kosovës dhe Serbisë për targat.
Ai i dërgoi një mesazh presidentit serb Aleksandar Vuçiç.
Berisha e paralajmëron që të mos luajë me shqiptarët duke u mbështetur te kryeministri Edi Rama.
REAGIMI I PLOTE:
Një marrëveshje për tu përshëndetur!
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Miq, dje ne Bruksel u arrit marrëveshja për zgjidhjen e problemit te targave ne vendkalimet kufitare dhe territoret përkatëse midis Kosovës dhe Serbisë.
Ne përputhje me marrëveshjen zbatohet nga palët parimi i reciprocitetit. Targat zyrtare mbulohen me një etiket te shtetit përkatës ne pikat e hyrjes ne territoret respektive.
Me këtë rast përshëndes firmosjen e marrëveshjes arritur ne Bruksel dhe ndërmjetësuesit e saj. Unë gjithashtu përshëndes dhe njëherë qëndrimin e drejt te autoriteteve te Kosovës dhe realizimin e reciprocitetit si zgjidhja e vetme dinjitoze e këtij problemi.
Miq, vendimi i drejte i qeverise se Kosovës për rivendosjen ne përputhje te plote me marrëveshjen e Brukselit te disa viteve me pare nxori lakuriq para botes shëmtinë e karakterit prej ultranacionialisti te verbër serb te Aleksandër Vuçiç dhe pasojat e rrezikshme për paqene dhe stabilitetin e rajonit te aleancës destabilizuese dhe luftënxitëse trelaterale te Beogradit me argatët e tij te Tiranes dhe Shkupit.
Ishin pikerisht këta dy faktor qe inkurajuan presidentin e Serbomadhise ish Gebelsin e Millosheviçit njeriun qe nuk njeh gjenocidin serial serb ndaj shqiptarëve dhe gjenocidin serb ndaj boshnjakve ti bej karshillek Natos.
Ky aventurier luftënxitës e Beogradit riktheu hijet luftës, vringëllimin e armëve dhe dislokoj e forcat ushtarake ne kufijtë e Kosovës duke dëshmuar se ai sot është pa aq i rrezikshëm për paqen ne rajon sa ç’ishte padroni i tij Sllobodan Millosheviç ne vitin 1990. Me ketë rast duke dënuar ma ashpërsinë me te madhe qëndrimet konflikuale dhe luftënxitëse te serbomadhit Vuçiç paraljameroj atë te mos luaj me paqen ne rajon mos luaj me shqiptaret duke u mbështetur tek ruset dhe ne marrëveshjet e fshehta dhe te hapta me argatët e tij Zografi Bis-Zaev ne Tirane dhe Shkup, se do te duket lule fati i idhullit te tij Slobodan Millosheviç!
