LIGJET E BIZNESIT
SPAK heq dorë nga hetimi i dosjes me të dhënat e afro 900 mijë shqiptarëve, të cilat u publikuan para zgjedhjeve te 25 prillit.
Kjo çështje do të hetohet tashmë nga Prokuroria e Tiranës vetëm për akuzën “ndërhyrje e paautorizuar e të dhënave kompjuterike ” dhe jo me atë që u regjistrua në fillim nga Prokuroria e Posaçme si korrupsion zgjedhor
Pas 7 muaj hetime, SPAK ka arritur në përfundimin se në këtë rast nuk jemi parpara një korrupsioni zgjedhor por thjesht në ndërhyrje të paautorizuar të të dhënave kompjuterike.
Me ketë argument Prokuroria e Posaçme ia ka përcjellë dosjen Tiranës duke shfryrë në këtë mënyrë edhe hetimin, i cili solli shumë reagime dhe nga klasa politike.
Për këtë çështje u shpreh edhe gjykata ndërkombetare për të drejtat e njeriut, e cila u dha të drejtë administratorëve te portalit per të mos e dorëzuar databazën ndërsa nuk u bë e qartë as fakti nëse edhe vetë Partia Socialiste e dorezoi atë ne SPAK.
Kjo është një nga 25 dosjet per krim zgjedhor që Prokuroria e Posaçme është duke hetuar në lidhje me zgjedhjet e 25 prillit ndërsa ende asnjëra prej tyre nuk është dërguar në gjykatë.
Ndërkohë në hetim janë edhe dosje të tjera që po hetohen nga prokuroritë e rretheve të cilat ende nuk kanë arritur të perfundohen ndonese u është kerkuar të përshpejtojnë hetimet./OraNews
