LIGJET E BIZNESIT
Policia e Kurbinit ka sekuestruar plot 4,255 kg kanabis. Për rrjedhojë në pranga ka përfunduar poseduesi i saj, shtetasi me iniciale E. C.
Në njoftimin e policisë thuhet se kishin marrë informacione se shtetasi me iniciale E. C., kishte në banesë kanabis, e pas kontrolleve të tyre u gjet dhe sasia e drogës. Materialet iu referuan Prokurorisë së Rrethit Gjyqësor Kurbin, për veprime të mëtejshme, për veprën penale “Prodhimi dhe shitja e narkotikëve”.
Njoftimi i Policisë:
Kurbin
Goditet një rast i veprimtarisë kriminale në fushën e prodhimit dhe shitjes së narkotikëve.
Sekuestrohen 4.255 kg lëndë narkotike e dyshuar cannabis sativa, vihet në pranga poseduesi.
Në vijim të punës për parandalimin dhe goditjen e veprimtarisë kriminale në fushën e prodhimit dhe shitjes së narkotikëve, bazuar dhe në informacionet e marra në rrugë operative për një shtetas që posedonte lëndë narkotike në banesë, shërbimet e Policisë Kurbin kanë organizuar punën dhe në Mamurras, Kurbin kanë ushtruar kontroll në banesën e shtetasit E.C.
Gjatë kontrollit të ushtruar në banesën e këtij shtetasi, shërbimet e Policisë kanë gjetur dhe sekuestruar 4 kilogramë e 255 gramë lëndë narkotike e dyshuar cannabis sativa.
Në vijim të veprimeve, specialistët e Seksionit për Hetimin e Narkotikëve në DVP Lezhë, bënë arrestimin në flagrancë të shtetasit E.C., 34 vjeç, banues në Mamurras, Kurbin.
Materialet iu referuan Prokurorisë së Rrethit Gjyqësor Kurbin, për veprime të mëtejshme, për veprën penale “Prodhimi dhe shitja e narkotikëve”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
