“Ky qytet mund të goditet nga një tërmet i fortë” Profesori grek ngre alarmin

Greqia është goditur këto ditë nga lëkundje sizmike në disa zona.

Tëmeti i fundit ndodhi mëngjesin e kësaj të hëne në Kretë, ku për pasojë u shkaktua një viktimë dhe disa të plagosur.

Gjithashtu u dëmtuan dhe shumë banesa.

Tërmetet nuk mund të parashikohen, por profesori grek Efthymis Lekkas nuk e përjashton mundësinë e një lëkundje të fortë sizmike 5.5 Rihter në Tebë.

Sizmologët grekë me në krye drejtuesin e institucionit Efthymis Lekkas u mblodhën të mërkurën në mbrëmje për situatën e fundit dhe veçanërisht për Tebën duke vendosur të dërgonin një ekip në zonë për të vlerësuar situatën, por edhe për të kontrolluar gatishmërinë e mekanizmit shtetëror.

“Nuk është shumë e mundshme, por një tërmet me magnitudë 5.5 nuk përjashtohet në Tebë“, tha profesori për televizionin grek “MEGA”.

Sidoqoftë, ai vlerësoi se Attica dhe Lamia nuk do të ishin në rrezik nga një tërmet në Tebë.

Pas tërmetit me magnitudë 5.8 në Kretë, Efthymis Lekkas paralajmëroi se shkencëtarët janë të shqetësuar për të gjithë vendin dhe se, në çdo moment, mund të ketë një tërmet të madh në të gjithë Greqinë.