LIGJET E BIZNESIT
Një në tre persona të infektuar me koronavirus do të përjetojë të paktën një simptomë të Covidit të zgjatur, sugjeron një studim i ri.
Pjesa më e madhe e hulumtimeve ekzistuese për Covidin e zgjatur – simptoma të raportuara nga njerëzit muaj pasi janë infektuar – është bazuar ose në simptoma të vetë-raportuara ose studime të vogla.
Së fundmi, studiuesit në Universitetin e Oksfordit, Institutin për Kërkime Shëndetësore (NIHR) dhe Qendrën e Kërkimeve Biomjekësore Shëndetësore të Oksfordit (BRC) kanë hedhur dritë mbi problemin pasi studiuan më shumë se 270,000 njerëz të shëruar nga koronavirusi në SHBA.
Ata zbuluan se 37% e pacientëve kishin të paktën një simptomë të Covidit të zgjatur, të diagnostikuar tre deri në gjashtë muaj pas infektimit. Simptomat më të zakonshme ishin problemet e frymëmarrjes, dhimbjet e barkut, lodhje, dhimbje, ankth ose depresion.
“Rezultatet konfirmojnë se një pjesë e konsiderueshme e njerëzve, të të gjitha moshave, mund të preken nga një sërë simptomash dhe vështirësish në gjashtë muajt pas infektimit me Covid-19. Mbi një e treta e pacientëve u diagnostikuan me të paktën një nga simptomat e Covidit të zgjatur midis tre dhe gjashtë muaj pas sëmundjes së tyre,” tha (via Guardian) Dr. Max Taquet.
Simptomat ishin më të shpeshta tek ata që ishin shtruar në spital dhe pak më të zakonshme tek gratë. Faktorë të ndryshëm ndikojnë gjithashtu. Për shembull, njerëzit e moshuar dhe burrat kishin më shumë vështirësi në frymëmarrje dhe probleme njohëse, ndërsa të rinjtë dhe gratë kishin më shumë dhimbje koke, simptoma në zonën abdominale, ankth ose depresion.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Shumë pacientë kishin më shumë se një simptomë të Covidit të zgjatur, thanë studiuesit. Shifrat, bazuar në simptomat e vetë-raportuara, sugjerojnë gjithashtu se 384,000 njerëz ende kanë simptoma një vit pas infektimit./anabel
