LIGJET E BIZNESIT
Ish-kryeministri Sali Berisha u shpreh në takimin me anëtarët e PD në Durrës se gjatë 8 viteve qeverisja e Edi Ramës, burgosi shqiptarët më shumë se gjithë rajoni i marrë së bashku.
I shoqëruar nga deputetët e djathtë Edi Paloka, Oerd Bylykbashi, Flamur Noka si dhe nga aktivistja Evi Kokalari, e cila ka ardhur nga SHBA për të mbështetur “foltoren”, Berisha tha se shqiptarët u burgosën për çështje civile, si në asnjë vend tjetër të planetit.
“Rama dëshmoi një pasion të shfrenuar për ti parë shqiptarët në burg. Shqiptarët sot renditen në vendin me pagën më të ulët në Rajon, madje edhe poshtë Kosovës.
Edi Rama varfëroi shqiptarët, i detyroi të largoheshin nga vendi, sepse vrau shpresën.
Por pavarërisht të gjitha këtyre, Edi Rama rrëmbeu mandatin e 3-të qeverisës. Edi Rama është shndërruar në sherrin e vërtetë të Ballkanit, sëbashku me Aleksandar Vuçiç, duke ndëshkuar jo vetëm shqiptarët por mbarë Rajonin, me nismat që ka marrë me Vuçiç”, tha Berisha.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Por sipas tij, në këto zhvillime negative, rol ka pasur edhe opozita, e cila dështoi në çdo nismë të ndërmarrë nga viti 2013 deri më sot.
“Ky dështim, padiskutim i përket Lulzim Bashës, atij që ishte në timonin e PD, por edhe unë kam përgjegjësinë, ndaj dhe ju kërkoj ndjesë”, iu drejtua Berisha, anëtarëve të PD.
Ish-Kryeministri u shpreh se dha dorëheqjen në 2013 dhe nuk bëri gabim, pasi isha i bindur që kur humbja është e qartë, duhet t´i hapësh rrugën një tjetri.
“Jam përpjekur të kontribuoj me këshilla kur më kanë kërkuar, duke afruar eksperiencën time. Kam qëndruar kundër rekordeve të zeza të Qeverisë së Edi Ramë, kam mbrojtur interesat e shqiptarëve dhe atë kombëtar. Por ku qëndron gabimi im? Unë u tregova i heshtur ndaj zhvillimeve brenda PD, ndaj shkelmimit të normave dhe parimeve të kësaj partie”, tha Berisha.
