Gazetari i njohur Flamur Vezaj është revoltuar me zyrtarët e lartë të Policisë së Shtetit, pasi nënkomisari Saimir Hoxha që ra në krye të detyrës u shpall sot “Dëshmor i Atdheut”.
Sipas tij, Hoxhës i është refuzuar më parë grada dhe është “degdisur” në disa sektorë vetëm sepse kishte punuar për ish-kryeparlamentaren Jozefina Topalli.
Vezaj shton se të njëjtën njerëz që sot e nderojnë, dje e bënin me njollë dhe e quanin të partisë tjetër.
REAGIMI I PLOTE:
Po si nuk keni turp! E shpallet deshmore! Shume mire bete se u vra ne krye te detyres dhe kete e thote edhe ligji! Por si nuk e respektuat ligjin dhe te ndjerin e shume te tjere si ai, kur ishin gjalle! Cfare hipokrizie! Nuk e kuptoje si nuk i vjen turp disa zyrtareve te larte te policise qe bejne homazhe sot nderkohe qe jane po ata qe per disa vite ia refuzuan graden te ndjerit!
Jo vetem qe ja refuzuan graden por e bene me njolle duke e degdisur ne disa sektor, vetem per kohen qe ka punuar me Topallin dhe e quanin te partise tjeter! Po sa punonjes te policise qe nuk kane njohje me zyrtare te policise e te partise i refuzonin graden me arsye qesharake prej vitesh!
E kur bien deshmor, thoni, ishte i “ndershem e profesioniste”, e nderkohe nuk e gradonit se nuk ka lidhje e njohje me pushtetin! Pra nje Sa-i-mir bie deshmore ne luften kunder kanabisit dhe po te njejten dite nje Sa-i-mir tjeter fiton “pafajesi” nga drejtesia e re per akuzat e kultivimit te kanabisit!
