LIGJET E BIZNESIT
Ish-kryeministri Sali Berisha do të jetë sot pasdite në Durrës në kuadër të nismës së tij brenda PD të ashtuquajtur “Foltorja”.
Synimi i tij është që të zhbëjë vendimin e kryedemokratit Lulzim Basha i cili e përjashtoi nga grupi parlamentar i PD.
Por a po përçahet kjo forcë politike me lëvizjet që po zhvillon në bazë lideri historik i së djathtës?
Kësaj pyetje, Basha iu përgjigj shkurt duke thënë se opozita ka vetëm një armik, duke nënkuptuar kështu kryeministrin Edi Rama dhe qeverinë e tij.
“PD është e përkushtuar për të bërë gjithçka për Shqipërinë dhe shqiptarët, armiku i vetëm është regjimi i instaluar dhunshëm në 25 Prill” tha Basha pas takimit me ambasadoren Urzsula Gaçek dhe 2 përfaqësues të tjerë që kanë qenë drejtues të misionit të vëzhgimit të OSBE/ODIHR-it për zgjedhjet e 25 Prillit në Shqipëri.
