I rritur nga prindër mësues/ Nisin homazhet në Pallatin e Kongreseve për oficerin Saimir Hoxha, baba i dy djemve 1 dhe 3 vjeç

Në ambientet e Pallatit të Kongreseve po zhvillohet ceremonia e homazheve në nderim të oficerit të krimeve në Lezhë Saimir Hoxha.

Efektivi ra ditën e djeshme në krye të detyrës gjatë një aksioni anti-kanabis, ku u qëllua për vdekje nga 21-vjeçari Aldi Rama.

Makina e funeralit me trupin e pajetë të efektivit ka mbërritur para pak momentesh në ambientet e jashtme të Pallatit të Kongreseve, ku kolegët e tij kanë bërë transportimin e arkivolit në vendin ku do të zhvillohen homazhet.

Në ceremoni janë të pranishëm kupola më e lartë drejtuese e Policisë së Shtetit, por edhe efektivë nga reparte të ndryshme të uniformave blu.

Kujtojmë se Komisioni Qendror i Statusit “Dëshmor i Atdheut” ka nisur ditën e djeshme procedurat për shpalljen e oficerit Saimir Hoxha, “Dëshmor i Atdheut” duke i garantuar familjes së tij të gjithë vëmendjen dhe mbështetjen e dhënë në bazë të ligjit të posaçëm.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nënkomisari i Lezhës ishte babai i dy djemve 1 dhe 3 vjeç teksa ishte rritur nga dy prindër mësues.